Ripple deel intelligensie oor Noord-Koreaanse kuberkrakers met ISAC

In ‘n buitengewone vertoning van eenheid, is mededingers binne die kripto-bedryf besig om hande te vat teen ‘n gemeenskaplike, internasionale vyand. Ripple het aangekondig dat hulle unieke intelligensie rakende kuber-aanvalle, spesifiek dié met skakels na Noord-Koreaanse groepe soos die berugte Lazarus Group, aktief sal deel met Crypto ISAC (‘n sentrale veiligheidsnetwerk vir die bedryf).

Noord-Koreaanse kuberkrakers het die afgelope paar jaar honderde miljoene dollars uit DeFi-protokolle gesteel. Hulle is berug daarvoor dat hulle nie net foute in kode soek nie, maar dat hulle sosiale manipulasie gebruik. Hierdie groepe skep valse profiele, doen aansoek by kripto-maatskappye, en probeer so as werknemers by die stelsels inkom. As een hacker uitgevang word, wend hulle hul gewoonlik na die volgende teiken.

Deur Ripple se gedeelde intelligensie en ‘n nuwe API, sal die hele bedryf nou dadelik bewus wees van verdagte adresse, domeine, of bedrieglike “werknemers”, wat georkestreerde aanvalle blitsvinnig in die kiem kan smoor.

Wat sê BitBok:

• Die feit dat maatskappye hul veiligheidsdata met mekaar deel, bewys dat die bedryf ongelooflik vinnig volwasse raak.
• Noord-Koreaanse misdaad-netwerke raak meer desperaat en pas hul taktieke konstant aan; beleggers moet ook so doen.
• Geen staatsgesteunde hacker kan jou fondse steel as jou kripto veilig onder slot en grendel in ‘n private “hardware wallet” by jou huis sit nie.

Bron: https://beincrypto.com/ripple-dprk-threat-intelligence-crypto-isac/