'Nuwe bulmark' aan die gang, volgens Arthur Hayes.

Die bekende kripto-figuur en BitMEX medestigter, Arthur Hayes, glo ‘n nuwe Bitcoin bulmark het afgeskop. In ‘n onlangse opstel getiteld “Same Same But Different,” skryf hy Bitcoin se prysstyging tot bo $80,000 toe aan die Amerikaanse Tesourie-sekretaris se besluit om die aankoop van langer-termyn staatseffekte (bond buybacks) ten minste te verdubbel.

Volgens Hayes spuit hierdie terugkope broodnodige dollar-likiditeit in die stelsel en plaas dit afwaartse druk op langtermyn-opbrengste (yields). Dit maak risikobates soos Bitcoin aansienlik aantrekliker vir beleggers. Hayes wys daarop dat hoewel ander faktore (soos reuse instromings by Amerikaanse spot Bitcoin ETFs van byna $517 miljoen op 19 Augustus en ‘n swakker dollar) bygedra het, hierdie nuwe likiditeitsroete krities is.

Hy het selfs genoem dat sy eie portefeulje, Maelstrom, geskuif het na posisies van “maksimum risiko”, wat dui op sterk vertroue in groot bates soos Bitcoin, Ethereum, en Ethena, hoewel hy waarsku dat verdere regstellings steeds moontlik is ondanks die heersende momentum.

Wat sê BitBok:

Arthur Hayes beweer die nuwe kripto-bulmark het begin weens besluite deur die VSA Tesourie.
Meer dollar-likiditeit en ETF-invloeie dryf beleggers na Bitcoin en druk die prys bo $80,000.
Waarskuwings bly egter dat alhoewel momentum opwaarts is, wisselvalligheid en regstellings altyd voorkom.

Bron: https://crypto.news/bitcoin-bull-market-underway-arthur-hayes-says/