Die volle storie agter Africa Bitcoin Corporation se ineenstorting en botsing met die FSCA
Africa Bitcoin Corporation (ABC), voorheen bekend as Altvest Capital, het homself onlangs probeer herposisioneer as “Afrika se eerste genoteerde Bitcoin-tesourie-maatskappy”, na die voorbeeld van MicroStrategy. Maar onder hierdie blink nuwe Bitcoin-kroonluchter het ‘n veel meer komplekse en verbrokkelde korporatiewe struktuur gelê, hoofsaaklik gekoppel aan KMO-lenings (‘n sogenaamde “private credit loan book”). Dit sluit in ‘n onrusbarende geskiedenis van gereelde beurs-spronge (van die CTSE na die JSE se AltX en later die Hoofbord) asook die afdanking van drie groot ouditfirmas binne slegs vier jaar.
Wat egter die bedryfsreguleerder, die Financial Sector Conduct Authority (FSCA), se woede ontketen het, was nie hul Bitcoin-strategie nie, maar ernstige bewerings van markmanipulasie. In Augustus 2026 is die stigter en destydse HUB, Warren Wheatley, sy vrou (voormalige Mej. Suid-Afrika Tatum Keshwar-Wheatley), en die voormalige hoofbeleggingsbeampte Akshay Karan beboet. Die drietal is elk met ‘n 20-jaar debarment-bevel (‘n verbod op bedryfsdeelname) en gesamentlike administratiewe boetes van R9 miljoen geklap vir die manipulasie van aandeelpryse gedurende 2022. Daarnaas het die FSCA in September 2026 ‘n tweede ondersoek geopen oor verdere beweerde markmanipulasie van ABC se aandele in April en Mei vanjaar.
Die situasie het op 9 Oktober heeltemal ontplof. In ‘n magstryd het Wheatley se persoonlike beleggingsfirma, WGW Capital, aangedring dat die oorblywende onafhanklike direksie, insluitend waarnemende HUB Stafford Masie, verwyder word, wat hul onmiddellike vrywillige bedanking veroorsaak het.
Wat sê BitBok:
- Terwyl ABC homself geprojekteer het as ‘n vooruitstrewende Bitcoin-maatskappy, is die onderneming se kern steeds gebaseer op omstrede KMO-kredietfondse en swak korporatiewe bestuur.
- Die FSCA het die voormalige HUB en twee ander in Augustus met streng 20-jaar bedryfsverbiede en R9 miljoen in boetes gestraf vir daadwerklike aandeelprysmanipulasie wat na bewering reeds in 2022 plaasgevind het.
- ‘n Tweede aktiewe FSCA-ondersoek het gevolg, tesame met ‘n bittere binnemuurse geveg wat gelei het tot die massabedanking van hoëprofiel onafhanklike direkteure.