Nuusbrief: 25 November 2025

BITBOK SE DAAGLIKSE KRIPTO-OPSOMMING

Bitcoin se skokjaar, rand se rol en wat ETF uitvloei vir jou beteken

Uitgawe: Dinsdag, 25 November 2025

Markpryse (ZAR) – 25 Nov 2025

BTC R1 510 000 (-1.3%) (Gister: R1 530 000)

ETH R50 290 (-1.6%) (Gister: R51 120)

SOL R2 348 (+3.3%) (Gister: R2 274)

USDT R17.30 (+0.1%) (Gister: R17.28)

Notas: Pryse vir BTC en ETH gebruik groot internasionale dataverskaffers se ZAR slotpryse vir 24 en 25 November. SOL gebruik vandag se USD-prys met die jongste USD/ZAR koers. USDT volg die mees onlangse USD/ZAR middelmarkkoers.

Wat sê BitBok: Selfs na die groot terugslag van 2025 bly Bitcoin en ander munte in beweging. Die groot verskil tussen wen en verloor lê nie in voorspelling nie, maar in hoe konsekwent jy jou plan volg, veral as jy in rand dink en nie net in dollar grafieke nie.

Merkwaardige Kripto-Nuus

Bitcoin se uitverkoping begin asem skep. Laat Maandag en vroeg Dinsdag wys markdata dat die ergste verkoopdruk moontlik besig is om te bedaar. Bitcoin hang rondom 88 000 dollar na ‘n duik tot sowat 80 000 en ontleders kyk nou na die 90 000 tot 95 000 sone vir ‘n volhoubare herstel.

ETF uitvloei druk sentiment verder af. Verslae oor meer as 3.5 miljard dollar wat in November uit Amerikaanse Bitcoin ETF’s onttrek is, wys hoe groot spelers risk off gaan. Dit help verduidelik hoekom die prys swaar trek, selfs al lyk dit asof die onmiddellike paniek begin afneem.

Bitcoin se 2025 verhaal bly ‘n harde les in risiko. Onlangse ontleding wys dat Bitcoin byna 30 persent onder sy 2025 hoogtepunt verhandel en selfs agter staatskuld en goud aan sukkeldraf. Dit herinner Suid-Afrikaanse beleggers dat kripto ‘n hoë risiko bate is wat ‘n duidelike plan en risikobestuur nodig het.

Bokdrolletjies

Kort, vinnige nuusflitse wat help om die kripto-landskap van die dag te teken.

‘n Onlangse Moneyweb kripto-potgooi vra of dit nou ‘n goeie tyd is om kripto-bundels soos die VALR10 te koop, veral vir beleggers wat eerder mandjies as los munte verkies.
Die sogenaamde Great Bitcoin crash of 2025 laat die muntjaar tot dusver swakker presteer as baie aandele, goud en selfs sekere effekte, wat professionele portefeuljebestuurders laat herbesin oor posisiegroottes.
Solana verras met ‘n styging van meer as 3 persent in die laaste 24 uur, selfs terwyl die breër kripto-mark nog senuweeagtig bly ná die onlangse duik.

Het Jy Geweet? Bitcoin het in 2025 by tye amper 30 persent onder sy jaarhoogtepunt verhandel. Groot swaaie skrik mense af, maar dit was nog altyd deel van kripto en wys hoekom positiegrootte en risikobestuur belangriker is as om die presiese bodem te probeer raai.

Leer Meer & Bou Jou Kripto-Kennis

Al gehoor van Ethereum? ETH is die wêreld se grootste slimkontrak-netwerk en die tweede grootste kripto-bate ná Bitcoin. Dit is die tegnologie wat NFT’s, DeFi, Web3 en duisende moderne blokketting-projekte moontlik maak.

As jy wil verstaan hoekom ETH so belangrik is, hoe dit werk en hoe dit verskil van Bitcoin, lees gerus ons volledige gids:

Alles wat jy moet weet – Die Volledige Ethereum (ETH) Gids

BitBok is onafhanklik en word nooit betaal vir positiewe dekking nie. Alle bronne word feitlik nagegaan en sal opgedateer word soos nuwe inligting beskikbaar word.